eesti keeles • võro keelen • in English • по русски

Tiibedi tugõmistõrvas
Suurõ Munamäe pääl

Lehekuu 17. pääväl 2008

Puulpäävä, lehekuu 17. pääväl 2008 pandas Suurõ Munamäe torni otsahn palama verrev savvutähüs Tiibedi tugõmisõs. Taa um üts jago lehekuu 11. pääväl pääle naanust 10-päävälidsest rahvidõvaihõlidsõst ettevõtmisõst, minka mäeronijaq üle ilma näütäseq umma miilt inemisõiguisi rikmiisi ja maahasurbmiisi vasta Tiibetihn, ku niäq pandvaq hulga mäki otsa palama vereväq savvutõrvasõq. Mäki, kohe otsa tõrvasõq palama pandasõq, või kokko lukõq päält saa – Albõhn, Püreneil, Norrahn, USA-hn, Mehhikohn ni muial.

Kell 12:00 pandas Suurõ Munamäe all palama Tiibedi tugõmistõrvas ni kannõtas tuu rongikäügiga mäe pääle. Torni man platsi pääl võetas sõnna eesti ja võro keelehn ni astus üles andsambli The Flowers of Romance. Meelenäütämise kõgõ tähtsämb jago nakkas pääle täpsähe kell 13:00, ku tulõ üles torni otsa veenüq Eesti mäeronijaq pandvaq sääl palama vereväq savvukündleq.

Tiibediga ütemeele näütämist kõrraldasõq Eesti-Tiibedi Kultuuriselts ütehn kodanigõliikmisõga Tiibet vabas!, tugõhõsõq Riigikogo Tiibedi tugirühm ni Budismi Instituut. Tiibedi tugõmistõrvasõ kand üles mäe pääle Ts'omolangma otsahn käünüq miis Sika Alar. Ütte lüümä oodõtas kõiki Tiibedi sõpro ja inemisõiguisi iist saisjit!

Lisas:

  • Ettevõtmisõ kõrraldust (vidämine, kraam jm) saa tukõq rahapannusõga Eesti-Tiibedi Kultuuriseldsi arvõ pääle 1120228402, tähüssõnas "Tiibedi tugõmistõrvas". (Pallõlnuq mano pandaq andõandja nimi ja hindänummõr vai reg. nr., sis saami ülekandõ moodutaq tulumassust priis andõs.)

  • Rahvidõvaihõlinõ ettevõtminõ The Sad Smoky Mountains.

  • Talliinast ja Tartost saa tullaq ka Luudusõ Omnibussiga.

  • Andsambli The Flowers of Romance um päämäne etteastja Tiibedi olümpiä lõpukontsõrdil Dharamsalahn lehekuu 25. pääväl 2008.

  • Suur Munamägi (Google Maps, Regio Atlas).

  • Eesti-Tiibedi Kultuuriselts.

  • Kodanigõliikminõ Tiibet vabas!

  • Sika Alari matkaklubi.
     

    Teedüs:

  • Järve Laur (Eesti-Tiibedi Kultuuriselts) 53416324, laur.jarv@tibet.ee.
  • Strideri Roy (Tiibet vabas!) 5524138.
     
    Lehekuu 15. pääväl 2008.